Imagen2

Imagen40

Extraescolares

extras

Campamento

Imagen60

Contido Xeral

Contido Xeral (81)

Estimadas familias:

Do 12 ao 16 de decembro farase unha recollida de alimentos non perecedoiros para Cáritas e SOS Porriño, en solidariedade con aquelas familias que atravesan unha mala situación económica.

O luns día 19 o alumnado de Educación Infantil, 1º e 2º Educación Primaria terán a tradicional “Merendola”. Estes alumnos/as deberán traer un produto (galletas, froitos secos, turrón...) para compartir cos seus compañeiros e unha bebida.

Ademais os alumnos do 3º, 4º, 5º e 6º de primaria, terán un obradoiro de elaboración de comics.

Os alumnos de 3º e 4º ESO recibirán unha charla a cargo de Juan Lamas, psicólogo de Agaja. A temática é a prevención de condutas de xogo on line, apostas deportivas e ludopatías relacionadas coas novas tecnoloxías.

O martes día 20 recibiremos a visita do “Duende Real”, polo que os rapaces/as de Educación Infantil, 1º e 2º de Educación Primaria que o desexen poderán entregar as súas cartas para os Reis.

O alumnado de 3º, 4º, 5º e 6º de Educación Primaria e de 1º e 2º ESO terán tamén a “merendola”.

Os alumnos/as de 3º e 4º da ESO, celebrarán a súa “Festa de Fin de Ano” onde virán vestidos para a ocasión e desfrutarán da degustación de aperitivos e as tradicionais “campanadas”. Deberán traer cada un 12 uvas ou lacasitos, conguitos, gominolas... (o que cada un desexe para celebrar xuntos as campanadas.

O mércores día 21 celebraremos, en horario de mañá e para todo o alumnado do Centro, o Festival de Nadal ( O Festival para os pais celebrarémolo pola tarde). É necesario que os/as alumnos/as veñan coa vestimenta indicada para o festival (sen maquillaxe), ... Ao finalizar o festival haberá reparto de caramelos por parte das SSMM os Reis Magos de Oriente.

Nesta xornada o centro agasallará a todos os alumnos/as cun chocolate con churros.

Lembrarlles que este día non haberá servizo de comedor, nin servizo de merendas, nin actividades extraescolares. O luns 9 de xaneiro incorporarémonos ás clases.

Queremos agradecer a continúa colaboración na recollida de tapóns de plástico, que está a levar a cabo a FUNDACIÓN SEUR, a que grazas a colaboración das familias e a ilusión dos nenos por colaborar, continuamos xuntando tapóns solidarios

Bo Nadal e mellor Ano.

Un saúdo

                                                                      Comisión do Nadal

OPERACIÓN “KILOS DE SOLIDARIEDADE”     

Por oitavo ano consecutivo realizamos a recollida de alimentos para as familias da zona con escasos recursos e que serán repartidos entre Cáritas e o Banco de Alimento do Porriño.

Este ano pídese especialmente leite, azucre, cacao soluble, aceite e conservas de pescado e carne, ademais dos produtos habituais non perecedoiros (arroz, lentellas, pasta,…). A maiores tamén son necesarios produtos de aseo persoal: xel, champú, pasta de dentes,....

Poderán ser entregados na semana do 12 ao 16 de decembro.

Cremos que esta é unha forma de concienciar aos nenos/as da situación desfavorecida que padecen moitas familias do noso entorno. Con este pequeno xesto os rapaces/as aprenden a compartir e a valorar o que teñen, á vez que contribúen a aliviar un pouco a precariedade na que viven moitas persoas.

Sen máis, agradecemos por anticipado a súa colaboración solidaria.

O vindeiro mércores 21 de decembro ás 17:00 horas, celebrarase o festival de Nadal para pais, no pavillón do colexio.

Actuarán os/as alumnos/as de Educación Infantil, Educación Primaria e 1º da ESO, contando coa colaboración especial de 2º da ESO.

Os alumnos/as participantes, deberán chegar ao centro ás 16:30 horas, incorporándose as súas aulas, pola porta que o fan habitualmente.

Por motivos de espazo, os nenos/as permanecerá nas aulas realizando actividades lúdicas co seu titor/a. Soamente estarán no pavillón no momento da súa actuación.

Unha vez rematado o festival recollerán aos alumnos/as ordenadamente polo “porche de pequenos” dende EI 3 ata 6º de EP.

Por último, sinalar que a zona do aparcadoiro é limitada. Pregámoslles a todos/as, MÁXIMA PRECAUCIÓN na circulación dentro do recinto.

Pola presente informámoslles que o vindeiro xoves 1 de decembro, os alumnos/as de 4º de Ed. Infantil (3 anos) terán unha saída ao Parque de bolas no Porriño en horario de mañá.

O prezo da actividade é de 4,00 €, que será entregado á titora antes do 29 de novembro.

Teñen que vir vestidos co chándal e a camiseta do colexio.

Pola presente informámolos que as Eleccións ao Consello Escolar nas que se elixirán aos representantes dos pais/nais se celebrarán, finalmente, o venres 25 de novembro.

A mesa electoral estará situada no porche de pequenos para que podan depositar o seu voto entre as 13:40 e a 14:30.

Grazas a todos por participar

Pola presente queremos informalos de que o día 2 de maio de 2017 foi declarado non lectivo para este centro , polo que non haberá clase.

Correspondendo ó actual curso escolar a renovación parcial do Consello Escolar, informámoslles que está aberto o prazo para a presentación de candidaturas do 3 ó 10 de novembro.

Os postos vacantes a cubrir polos representantes dos pais/nais é de dous, que serán elexidos polos pais/nais, nas eleccións que se celebrarán o día 24 de novembro de 13:40 a 14:30 horas.

Os pais/nais interesados en presentar a súa candidatura poderán recoller o impreso en Secretaría.

Pola presente comunicámoslles que este ano os alumnos/as de 6º Ed. Infantil (5 anos) e 2º de Ed. Primaria realizarán a saída de fin de curso ao “Cámping Playa Paisaxe II”, no Grove, os días 15 e 16 de xuño, pasando alí a noite.

Ao fin de informalos sobre dita saída, celebrarase unha reunión cos pais/nais, titores/as o luns día 7 de novembro, ás 19:00 horas, onde contaremos coa presenza do responsable do Cámping.

ELECCIÓNS CONSELLO ESCOLAR E CONSTITUCIÓN DA XUNTA ELECTORAL

CURSO 2016-2017

De conformidade co establecido na Resolución do 26 de setembro de 2016 da Dirección Xeral de Centros e Recursos Humanos e da Dirección Xeral de Ordenación de Educación, Formación Profesional e Innovación Educativa (DOG 4 outubro de 2016), realizarase proximamente neste centro a renovación parcial do Consello Escolar que é o instrumento de participación na vida escolar de tódolos sectores educativos do Colexio.

Segundo o artigo 2 da citada Resolución a elección dos representantes dos distintos sectores da Comunidade Educativa no Consello Escolar celebrarase entre o 23 e 29 de novembro, ambos os dous incluídos.

A organización e supervisión do procedemento de elección dos novos membros do Consello Escolar estará a cargo da Xunta Electoral que se constituirá o día 3 de novembro, e estará integrada por:

  • - Directora do Centro

  • - 1 profesor/a

  • - 1 pai ou nai, titor ou titora legal

  • - 1 representante do persoal administrativo

    Os tres últimos designados por sorteo, segundo establece o artigo 30 do Decreto 92/1988 do 28 de abril. Dito sorteo, no que se preverá a designación dos membros suplentes, celebrarase no centro o ventres 28 de outubro ás 9:30 h.

    Aqueles membros da comunidade educativa que desexen presentar a súa candidatura, para formar parte do novo Consello Escolar, deberán seguir as instrucións que figuran nas distintas convocatorias que proximamente se farán públicas pola Xunta Electoral do Centro.

    Animámolos a participar na vida escolar do centro e así contribuír a un mellor funcionamento do mesmo.

Pola presente informámosvos que o vindeiro martes 20 de setembro, ás 20:15 horas, realizaremos unha reunión informativa de inicio de curso de 3º e 4º ESO.

Contamos coa vosa asistencia.

IniciarPrevio123456SiguienteFin
Página 6 de 6